Розин Степанович Ярандайкин (Ярандай)

Хӗрлӗ Чутай районӗнчи Иккӗмӗш Хурашашра ҫуралнӑ. Штанашри вӑтам шкултан вӗренсе тухнӑ хыҫҫӑн Сарӑтури юридици институтӗнчен вӗренсе тухнӑ. Унтан аспирантура пӗтернӗ, доктор диссертацине хӳтӗленӗ.

1971-1974-мӗш ҫулсенче Шупашкар хулин уголовлӑ ӗҫӗсемпе прокурор ҫумӗ, 1974-1984-мӗш ҫулсенче Чӑваш АССР ял хуҫалӑх Министерствин юридици пайӗн ертӳҫи пулнӑ, Чӑваш патшалӑх ял хуҫалӑх институтӗнче (халӗ аграри университечӗ) вӗрентнӗ. 1984-1992-мӗш ҫулсенче — И. Н. Ульянов ячӗпе хисепленекен Чӑваш патшалӑх университечӗн доценчӗ. 1999-мӗш ҫултанпа Шупашкарти Раҫҫей коопераци институтӗнче ӗҫленӗ.Чи малтан районти «Ҫӗнтерӳ ҫулӗ» хаҫатра пичетленнӗ, каярахпа — республикӑри хаҫат-журналта. «Коммунизм ялавӗ» хаҫатӑн литсотрудникӗ, «Хресчен сасси» хаҫат редакцийӗн моральпе право уйрӑмӗн заведующийӗ пулнӑ. 70 ытла наука ӗҫӗсен авторӗ.

Прозаик тата публицист, СССР Писателӗсен Союзӗн пайташӗ, юридици наукисен докторӗ. Унӑн юратнӑ жанрӗ — детектив. Сакӑн пек кӗнекесем пичетленсе тухнӑ: «Лӗрсем ҫухалмаҫҫӗ» (Следы не пропадут), «(Алса иӑви» (Осиное гнездо), «Оратнӑ ҫын» (Любимый человек). «Кӗмӗл сулӑллӑ сехет» («Часы с серебряным браслетом) тата ыттисем те.